PRIMEIRA VICTORIA DO XUVEN

Tralos primeiros compases, un parcial de 10 a 0 para os de Iurgi Caminos, culminado con dous triplos consecutivos de Villarejo, colocou o 13 a 5 no electrónico. Tralo tempo morto galego, a tendencia deu un xiro de 180 grados e un parcial de 2 a 11 puxo ao Xuven por diante 15 a 16 ao finalizar os primeiros 10 minutos.
Ao comezo do segundo cuarto, as forzas volvéronse a igualar. Con todo, o Sáenz Horeca non tiña as ideas claras en ataque e varios erros defensivos deron vantaxe ao conxunto galego que abriu brecha ao filo do descanso. En varias xogadas notouse a falta de rodaxe e acoplamiento dos xogadores araberristas. A falta de comunicación e os mecanismos tanto ofensivos como defensivos deron moitas facilidades ao rival que anotou moitos puntos debaixo do aro. Un triplo do visitante Douglas pechou a primeira parte coa máxima dos galegos ata o momento, 29 a 38. 

Foto:Facebook Xuven

A segunda parte arrincou co Xuven máis acertado, que puido aumentar a diferenza ata os 12 puntos. Malia todo o Araberri non tirou a toalla. Os alaveses seguiron traballando e reduciron a vantaxe ata os 3 puntos con 10 minutos por diante, 50 a 53. 
No inicio do último periodo, os galegos volveron estirar o electrónico e puxéronse 8 puntos por diante pero un novo parcial araberrista achegaos, 59 a 60. Desde ese momento, o choque estivo moi igualado con pequenas rendas para os cambadeses. O Sáenz Horeca seguiuno tentando e unha canastra de Villarejo puxo por diante aos araberristas cun minuto para o final 69 a 68. Con todo, os últimos 60 segundos non foron nada bos para o Araberri. O Xuven acertou cos seus tiros libres e Villarejo non puido anotar o triplo para levar o partido á prórroga. Ao final, o 70-73, primeira victoria para o Xuven.

ESTATÍSTICAS