PERSECUCIÓN DE PELÍCULA POLAS RÚAS DE CAMBADOS

Rúa Os Pazos

Un condutor que circulaba bébedo e drogado foi detido onte por tres delitos contra a seguridade vial; atentado e desobediencia a axentes de autoridade; lesións; e danos tras protagonizar unha fuxida por distintas vías e rúas de Cambados intentando escapar dun control de alcoholemia e, cando foi detido, agredir un garda civil.
Segundo informou a Garda Civil de Pontevedra, os feitos aconteceron na estrada PO-550 en Cambados. Efectivos do subsector de Tráfico estaban a realizar un control e ordenaron o condutor dun turismo Peugeot que se detivese, pero non o fixo.
Nese momento, o condutor acelerou a marcha e iniciou unha fuxida a gran velocidade por distintas vías e rúas do centro de Cambados. Nalgunha delas, coma a rúa Os Pazos circulou en sentido contrario ao establecido, poñendo en perigo os demais usuarios. Ao final foi detido na rúa Pacheca que é unha rúa sen saída.

Rúa A Pacheca

Os axentes realizáronlle un control de alcoholemia e sometérono ao narcotest, dando un resultado positivo en ambas as dúas. Nese momento foi detido por tres delitos contra a seguridade vial: carecer de permiso de conducir pola perda total de puntos, conducir baixo os efectos de alcohol e drogas e conducir con manifesto desprezo pola vida dos demais.