MAÑÁN ELECCIONS NAS CONFRARÍAS GALEGAS

Candidatura opositora

Mañá sábado 28 de xuño 63 confrarías participarán por primeira vez nun proceso electoral único e simultáneo, no que preto de 13.000 empresarios e traballadores do mar poderán votar aos vogais que conformarán a xunta xeral e que os representarán os vindeiros catro anos.
Trátase do primeiro paso dun proceso electoral que se desenvolverá en tres partes. Trala proclamación electoral provisional das persoas que formarán parte da xunta electoral e os vogais das xuntas directivas das agrupacións sectoriais, terán lugar as eleccións nas 3 federacións provinciais e finalmente elixirase ao presidente da Federación Galega de Confrarías de Galicia.

Candidatura continuísta

Desenvolvemento do proceso
As votacións darán comezo simultaneamente ás 10:00 horas, permanecendo abertas as comisións electorais un mínimo de 4 horas e un máximo de 8 horas -ben ininterrompidamente ou cun receso intermedio- segundo o estableza o plan electoral de cada confraría aprobado e ratificado polo servizo de Apoio e Relacións coas Organizacións Sectoriais da Secretaria Xeral do Mar.

No que respecta a Cambados as augas baixan revoltas, a candidata Teresa Bugallo denunciou que a sua propaganda electoral fora retirada de varios puntos por persoas vinculadas a actual directiva presidida polo imputado Benito "Pelea" González, e que se presenta a reelección. Aparte destas duas candidaturas hay outra que se presenta como a alternativa ao oscurantismo, mangoneo e miles de trapalladas, segundo eles mesmos, que acontecen na confraría de Cambados.

Teresa Bugallo

Na campaña electoral de Cambados entraron a favor da candidatura continuísta, a Xunta con visita da conselleira incluída ou a prensa local segundo as denuncias da candidatura de rexeneración.
Mañán os 606 socios da confraría decidirán por un futuro continuísta e cheo de oscuridade ou por un troco na maneira de traballar pola xente do mar.