A RUTA DO VIÑO "RIAS BAIXAS" RECIBE OUTRA VISITA TRASCENDENTAL CARA A SUA PROMOCIÓN

Galicia era o último destino da visita da xornalista en España, logo de percorrer Euskadi, Cantabria e Asturias na que é a súa segunda estancia no noso país, ao que viaxou por vez primeira o ano pasado. Durante a súa visita á Ruta do Viño Rías Baixas,  solicitou poder ver tres das bodegas da zona do Salnés, en concreto Palacio de Fefiñanes, Pazo Baión e Pazo Señoráns, polo que a Ruta púxose a disposición da visita para orientarlles e apoiarlles durante o seu periplo por esta subzona, facilitándolles o aloxamento noutro dos seus asociados, o Parador de Cambados. 
Cambados, O Grove e Combarro foron algúns dos puntos de interese turístico que tamén tivo a oportunidade de coñecer Penny Dai, que se mostrou moi interesada na característica forma de cultivo que define a viticultura nesta zona, así como nas variedades que se cultivan de forma preferente.

Penny Dai obtivo un gran recoñecemento no seu país como referente da gastronomía española, non en balde atópase agora inmersa na escritura do seu primeiro libro, España unha viaxe de sabores, unha guía gourmet da cociña española no mercado chinés. Ademais, é columnista habitual de publicacións como The Bund, un semanario moi popular en Chinesa ou no Timeout Shanghai, entre outras.