CARACOL E SHAKESPEARE EN CAMBADOS

Teatro Caracol versiona este ano por primeira vez na súa historia a obra dun clásico da literatura para adultos, como é o "Romeo e Julieta" de William Shakespeare. O grupo cambadés afronta o reto de converter unha traxedia nunha peza chea de humor para o público infantil, e faio coa esperanza de recuperar o volume de espectadores doutros anos, despois de que en 2011 vísese notablemente minguado pola negativa dos profesores de moitos colexios a participar en actividades extraescolares. Neste sentido, os centros educativos que desexen ver logo de Semana Santa o "Romeo e Julieta" para nenos de Teatro Caracol teñen que porse en contacto co grupo ao longo de novembro. A directora de Caracol, Olga González, apunta que "confiamos en poder ter outras dúas semanas de funcións", pois o curso pasado tiveron que condensar sete meses de traballo nunha única semana. Por iso, no caso de que os profesores decidan evitar de novo as actividades extraescolares Caracol falará directamente coas asociacións de pais de alumnos. Outros anos vían a obra uns 2.000 nenos. Olga González escolleu para este ano "Romeo e Julieta" case "por casualidade". Ela é a responsable de elixir a obra de teatro que pon en escena cada curso, e cando este verán púxose ao choio viu que non me gustaba nada". Entón empezou a rebuscar na súa biblioteca, sen unha idea preconcibida, e de súpeto a súa vista tropezou cun libro de Shakespeare. Olga González admite que a tarefa lle infunde respecto, porque se enfronta ao que está considerado mellor dramaturgo da historia. A versión de Caracol será "atemporal", e o que se resalta nela "é o amor en si, e a idea de que cando ten un soño tes que facer o que sexa por conseguilo". E aínda que o texto orixinal sexa tráxico, a obra de Cambados está pensada para os nenos e "non se sairá chorando". A compañía leva 20 anos facendo teatro, e habitualmente versiona contos infantís ou literatura contemporánea.

CONCURSO PARA SUMILLERES AFECCIOADOS

 A Ruta anima a tódolos afeccionados ó viño a concursar nunha cata amateur con motivo do Día Europeo do Enoturismo.


 O gañador recibirá un diploma.Unha mesa e cinco viños para catar. Primeiro a cata será cega, despois de coller as primeiras notas destaparanse as botellas e unha vez vistas as marcas dos viños volverán a taparse para intentar, catándoos de novo, identificar cada viño coa súa marca. Deste xeito os participantes deste concurso, non profesionais iso si, porán a proba as súas dotes como sumiller.

Agárdanse uns douscentos asistentes, aínda que a capacidade é para unhas catrocentas persoas.

A cita será o domingo día 11 de novembro no Salón Peña de Cambados, ás 12 da mañá. Con esta cata, a Ruta do Viño Rías Baixas quere conmemorar o Día Europeo do Enoturismo.

A convocatoria farase a través das redes sociais e está invitado a participar de balde todo aquel que o desexe.

Os viños que se catarán serán doados polas adegas que queiran estar presentes no evento.

Trátase da primeira edición do concurso pero a intención é que se consolide como cita anual.

O único requisito para participar é a inscrición previa, o prazo está aberto ata o día 9 ás dúas tarde.